Arkadia, Utne, 2016 - 2019
Arkadia er ein del av Harding Puls sitt treårige landskapaskunstprosjekt Mellom Himmel og fjord. Sjå!
Skulpturen stod i museumstunet til Hardanger folkemuseum på Utne fram til våren 2019.
Tittelen Arkadia referer til lykkeland - ein stad der alt er i harmoni og det herskar ro og fred. Frukthagen på Hardanger folkemuseum er ein form for lukkeland. Her er det store gamle frukttre som ein knapt lenger ser på fruktgardar i Hardanger. - I moderne fruktdyrking er trea låge som buskar, står tett saman i rader og er rasjonelle for bonden å jobba med.
Innsida av Arkadia er heildekorert. Illusjonsmalt raudt draperi nederst og rosemaling med grove penselstrøk øvere del. Her er det blomar, frukt og bær, samt fuglar som får eta moreller i ro og mak.